اسلام آباد۔4جولائی(اے پی پی) وفاقی وزیر منصوبہ بندی، ترقی تے خصوصی اقدامات احسن اقبال نال اقوام متحدہ دے ماحولیاتی پروگرام (یو این ای پی ) دے وفد ملاقات کیتی ۔ ملاقات اچ ممبر موسمیاتی تبدیلی وزارت منصوبہ بندی دے سینئر حکام موجود ہن ۔ وفاقی وزیر احسن اقبال پاکستان دی معیشت تے اڄوکے ماحولیاتی آفتاں د?? تباہ کن اثرات کوں نشابر کیتے جیں دے نتیجے اچ 30 ارب ڈالر دا ضیان تھئے انہاں معیشت دی بحالی تے نویں سروں تعمیر ،خاص طور تے بلوچستان تے خیبرپختونخوا دے شدید متاثر تھیوݨ آلے صوبیں اچ ضیان نال نبݨݨ سانڳے جاری جدوجہد کوں اجاگر کیتے ۔ وفاقی وزیر آکھیے پاکستان کوں آپݨی آب و ہوا دی لچک ودھاوݨ تے مستقبل دے موسمیاتی چیلنجاں کوں گھٹ کرݨ سانڳے خاطر خواہ سرمایہ کاری دی لوڑھ اے ساݙے ملکی وسائل سرمایہ کاری کرݨ سانڳے کافی کائنی ۔ ایں سانڳے اساں سرمایہ کاری گھن آوݨ سانڳے سرگرمی دے موقع ڳولیندے پیوں وفاقی وزیر آکھیے عالمی سطح تے کاربن دے اخراج اچ پاکستان دی گھٹ تو?? گھٹ شراکت دے باوجود ملک کوں چھل ، بے ترتیب مینھ تے انتہائی درجہ حرارت دی صورت ا?? ٻہوں اثرات دا سامݨا اے ۔ انہاں ماحولیاتی تبدیلیاں دے شدید منفی اثرات دا سامݨا کرݨ آلے پاکستان جیہے ملکاں دی مدد کرݨ سانڳے عالمی برادری تے زور ݙتے جو ایں مسئلے اچ نہ ہووݨ دے برابر حصہ پاوݨ دے باوجود موسمیاتی آفتاں تو?? متاثر ہیسے۔ انہاں آکھیے 2022 اچ جنیوا کانفرنس اچ 95 فیصد تو?? ودھ وعدے قرضے دی شکل اچ ہن ۔وفاقی وزیر کاربن گیساں دے اخراج کوں گھٹ کرݨ آلے سلوشنزکوں اپناوݨ سانڳے پاکستان دا عزم دوہرائے۔ انہاں وزیر اعظم میاں شہباز شریف دی طرفوں ش??وع کیتے ڳئے قابل تجدید توانائی دے منصوبے دا ذکر وی کیتا جیں دا مقصد پائیدار توانائی دے منصوبے ودھاوݨ اے ۔ماحولیاتی بہتری سانڳے کم کرݨ تے مستقبل دی آفتاں گھٹ کرݨ سانڳے تساڈے تعاون دا خیرمقدم کریندوں ۔اے ملاقات موسمیاتی تبدیلیاں نال نبݨݨ سانڳے پاکستان دے فعال موقف تے پائیدار ترقی ، آفتاں نال نبݨݨ سانڳے بین الاقوامی تعاون سانڳے سنجیدہ کوششاں دی نشاندہی کریندی اے۔
.jpg)
