اسلام آباد۔29اکتوبر(اے پی پی) پاکستان ریلوے وکٹوریہ دور دے راولپنڈی ریلوے سٹیشن کوں اپ گریڈ اتے کمرشلائز کیتا ویسی جیں دا مقصد مسافراں کوں سہولتاں ݙیوݨ تے کاروباری سرگرمیاں دے مرکز اچ ایں جاہ کوں سامݨے رکھیندے ہوئیں اینکوں کاروباری مرکز بݨاوݨ اے ۔وزارت ریلوے دے ھک اہلکار اے پی پی کوں ݙسائے جو ریلوے سٹیشن ھک صدی پہلے برطانوی طرز تے بݨایا ڳیا ہئی ، سٹیشن اتے ایندے نیڑے دیاں قیمتاں اچ ودھارے توں اینکوں تجارتی لحاظ نال قابل عمل بݨیسی ایندے اچ اسٹیک ہولڈرز کیتے چنڳی آمدنی ݙیسی۔ انہاں آکھیے اپ گریڈیشن دا فیصلہ پہلے ہی ھک اجلاس اچ کیتا ڳیا ہئی جیں اچ راولپنڈی ریلوے سٹیشن دی اپ گریڈیشن اتے کمرشلائزیشن دے منصوبے دا جائزہ ڳھدا ڳیا ہئی تے مشاہدہ کیتا ڳیا ہئی جو ریلوے سٹیشن مستقبل اچ اہم تجارتی مرکز رہسن ، جیں توں ودھ ساری آمدݨ تھیسی تے وݙے پیمانے تے معاشی موقع بݨسن ۔ انہاں آکھیے مسافراں دی سہولت کوں چنڳاں کرݨ دے نال نال راولپنڈی ریلوے سٹیشن دی ول ترقی کاروباری مرکز بݨ سڳدی اے ۔ انہاں آکھیے منصوبے موجب جناح روڈ (سٹی صدر روڈ) دے نیڑے 100 کنال دی دستیاب جاہ کوں کمرشلائز کیا ویسی ایں توں علاوہ ریلوے سٹیشن کوں وی ترقی ݙتی ویسی ۔اہلکار آکھیے جو اپ گریڈ کیتے ڳئے ریلوے اسٹیشناں اچ بہاولپور، رائے ونڈ، نارووال، اوکاڑہ، ساہیوال اتے گوجرانوالہ شامل ہن۔اپ گریڈیشن دا بنیادی مقصد مسافراں کوں سہولت ݙیوݨ تے ریلوے اسٹیشناں کوں جدید بݨاوݨ اے ۔پاکستان ریلوے مسافراں دے ویٹنگ ہالز، نماز دی جاہ ، آپریشن آفسز، واٹر فلٹریشن پلانٹ، بیت الخلا، مسافر پناہ گاہ، پلیٹ فارم، ٹکٹ کانٹرز، پارکنگ ایریا اتے ٻاہرلے ترقیاتی کماں کوں اپ گریڈ کیتے۔
.jpg)
