اسلام آباد۔17جون (اے پی پی):سپیکر قومی اسمبلی راجہ پرویز اشرف یونان اچ مبینہ طورتے ٻیڑی دے حادثے اچ جاں بحق لوکاں دے واقعہ کوں اندوہناک قرارݙیندے ہوئیں انسانی سمگلنگ اچ ملوث لوکاں دے خلاف کارروائی دی ہدایت کیتی اے ۔ قومی اسمبلی اچ جماعت اسلامی دے عبدالاکبرچترالی اعتراض دے نکتے تے آکھیے یونان اچ ٻیڑی دے حادثہ اچ مبینہ طورتے سینکڑاں پاکستانی جاں بحق تھی ڳئن۔ انہاں آکھیے انسانی سمگلنگ دے تدارک کیتے ہݨ تئیں کیا کیتا ڳئے، ایں واقعہ دا نوٹس ڳھدا ونڄے ۔سپیکر آکھیے اے اندوہناک واقعہ اے، انسانی سمگلنگ بھیانک جرم اے، میں چاہساں جو حکومت نوٹس گھنے تے مکروہ دھندے اچ ملوث عناصر دے خلاف بھرپورکارروائی کرے۔
.jpg)
