اسلام آباد۔5فروری (اے پی پی) وزیر خارجہ شاہ محمود قریشی پاکستان دے سارے مکاتب فکر،سیاسی جماعتاں اتے ادارے مسئلہ کشمیر تے ہک سوچ رکھیندن،ایں منزل تے پڄݨ کیتے اساں کشمیریاں دے مونڈھے نال مونڈھا رلائی کھڑوں ۔او جمعے کوں یکجہتی کشمیر ریلی نال ڳالھ کریندے پئے ہن ۔ریلی دا آغاز وزیر خارجہ مخدوم شاہ محمود قریشی دی اوڳواݨی اچ تھئے ۔وزارتِ خارجہ توں پارلیمنٹ ہاؤس تئیں ونڄݨ آلی ایں ریلی اچ گورنر خیبر پختونخواہ شاہ فرمان ، چئیرمین سینٹ صادق سنجرانی ،سپیکر قومی اسمبلی اسد قیصر، وفاقی وزیر اطلاعات سینیٹر شبلی فراز ،وفاقی وزیر ریلوے اعظم سواتی، ممبران پارلیمنٹ دے علاوہ مختلف طبقہ ء فکر نال تعلق رکھݨ آلیاں تریمتاں اتے لوکاں دی وݙی تعداد شرکت کیتی۔ریلی نال ڳالھ کریندے ہوئیں وزیر خارجہ آکھیا جو ساری پاکستانی قوم کشمیریاں نال اظہار یکجہتی کیتے سڑکاں تے اے.کشمیریاں دی لازوال قربانیاں اتے انہاں دی جرات کوں سلام پیش کرینداں۔وزیر خارجہ آکھیےجو سارے ملک اچ کشمیر دی آزادی دے خواہشمند اڄ یکجہتی دا اظہار کر یندے پئن ۔کشمیریاں نال اظہار یکجہتی کیتے چیئرمین سینیٹ،سپیکر اتے وزراء سودھے سارے اراکین پارلیمنٹ موجود ہن۔انہاں آکھیاجو مقبوضہ کشمیر دی عوام کوں سنیہا ݙیوݨا ضروری اے جو 18 مہینے توں کشمیری ڳالھ نی کرسڳدے،پر امن احتجاج نئیں کر سڳدے اتے مذہبی آزادی تے وی پابندی اے۔سری نگر دی جامع مسیتاں اچ تالے ہن اتے انہاں کوں ݙر اے جو جتھاں لوک کٹھے تھیسن انہاں دی پالیسی دے خلاف کاوڑ کریسن۔کشمیریاں تے ظلم تھیندا پئے اتے کشمیریاں دے حوصلے جھکے نئیں تھئے،اے حوصلہ اے جو پاکستانی کشمیریاں نال یکجہتی کریندے پئن ۔وزیر خارجہ آکھیا جو وزیر اعظم پاکستان فیصلہ کیتے جو او آپ کشمیرونڄ تے کشمیریاں نال اظہار یکجہتی کریسن۔ساری قوم وزیراعظم دے سنیہے دے انتظار اے ھے ۔سشاہ محمود قریشی آکھیاجو جتھاں جتھاں دنیا اتے پاکستان اچ کشمیری ہن او رلے کھڑن۔
.jpg)
