اسلام آباد۔18جنوری (اے پی پی):وزیر مملکت اطلاعات و نشریات فرخ حبیب آکھیے جو پاکستان تحریک انصاف شفاف طریقے نال چلدی پئی اے ، پیپلزپارٹی اتے ن لیگ سودھے ساریاں جماعتاں دی فنڈنگ دا وی حساب ہووݨا چاہیدے ،اکبر ایس بابر ن لیگ دے ایزی لوڈ تے اے سارا کجھ کریندے پئن، الزام لاوݨ آلیں دے بیانیہ کوں ھ?? واری ول شکست تھئی اے ، الیکشن کمیشن دے ٻاہروں میڈیا نال ڳال مہاڑ کریندے ہوئیں فرخ حبیب آکھیے جو اکبر ایس بابر آکھدے ہن جو بھارت اتے اسرائیل توں فنڈنگ تھئی تاں ??سا??ن کتھاں اے او فنڈ نگ ؟ اکبر ایس بابر چاہ دی پیالی اچ طوفان برپا کیتے اتے ساریں کوں گمراہ کیتے ، رپورٹ دے صفحہ نمبر 81 دے مطابق اکبر ایس بابر اپݨے موقف دے حق اچ کوئی وی دستاویز پیش نی کرسڳیے ۔مریم صفدر وی الیکشن کمیشن دے ٻاہروں آتے آکھدی ہئی جو بھارت اتے اسرائیل توں فنڈنگ تھئی لیکن ایں رپورٹ اچ ایجھا کجھ وی کائنی ، انہاں آکھیے جو پاکستان تحریک انصاف صاف اتے شفاف طریقے نال چلدی پئی اے، پارٹی کوں اندرلے تے ٻاہرلے ملک پاکستانیاں سپورٹ کیتے ، الزام لاوݨ آلیں کوں اوورسیز پاکستانیاں توں وی معافی منگݨی چاہیدی اے جنہاں دا دل ݙکھیے ۔فرخ حبیب آکھیے جو میں مریم صفدر اتے بلاول زرداری کوں چیلنج کرینداں جو او وی آپݨے اکاؤنٹس دی تفصیلات سامݨے گھن آون ۔
.jpg)
