اسلام آباد۔10 مئی (اے پی پی) وزیراعظم محمد شہباز شریف آکھیا جو بھارت کوں منہ ٻھن جواب ݙ??ا ڳئے، بے گناہ لوکاں دے خون دا بدلہ گھن ??ھدے، اساکوں آپݨی فوج تے فخر اے، ملک دی سیاسی قیادت سودھی پوری قوم کوں کامیاب آپریشن تے مبارخ ݙینداں۔ پرائم منسٹر آفس میڈیا ونگ توں ہفتے کوں جاری اعلامیہ موجب وزیراعظم محمد شہباز شریف پاکستان پیپلز پارٹی دے چیئرمین بلاول بھٹو زرداری، پی ٹی آئی دے چیئرمین بیرسٹر گوہر، جمعیت علماء اسلام (ف) دے رہنما مولانا فضل الرحمان، کنوینر متحدہ قومی موومنٹ خالد مقبول صدیقی، امیر جماعت اسلامی حافظ نعیم الرحمن، بلوچستان عوامی پارٹی دے سربراہ خالد حسین مگسی اتے پاکستان مسلم لیگ ق دے رہنما چوہدری سالک حسین نال ٹیلیفونک رابطہ کیتا۔ وزیراعظم سیاسی رہنماواں کوں اڄوکی صورتحال اتے پاکستان ولوں بھارت دے خلاف جوابی کارروائی بارے اعتماد اچ گھدا۔ وزیراعظم آکھیا جو الحمدللہ افواج پاکستان بھارتی جارحیت دا اڄ مربوط طریقے نال پر زور اتے طاقتور جواب ݙ??ے، بھارت پاکستان تے میزائل اتے ڈرون حملے کیتے، انہاں جارحانہ اقدامات دے باوجود پاکستان ٻہوں تحمل نال کم گھدا۔ وزیراعظم آکھیا جو پہلگام واقعے دے بعد پاکستان حقائق ڄاݨݨ کیتے غیر جانبدارانہ تحقیقات دا آکھیا ہئی، جیں کوں بھارت ٹھکرا ݙتا۔ وزیراعظم آکھیا جو اڄ (ہفتے) سویل کوں ولا بھارت نور خان ایئربیس اتے ٻئیں جاھیں تے میزائل نال حملے کیتے، بھارتی حملیاں اچ نہتے اتے معصوم شہریاں کوں نشانہ بݨایا ڳیا، بھارت دی انہاں پے در پے کاروائیاں دا ساݙی بہادر فوج بھرپور جواب ݙ??ے۔ انہاں آکھیا جو پاکستان آپریشن بنیان المرصوص اچ جوابی کارروائی اچ بھارت دی انہاں ملٹری تنصیبات کوں خاص طور تے نشانہ بݨایا جیندے توں پاکستان تے حملے کیتے ڳئے، اڄ اساں بھارت کوں منہ ٻھن جواب ݙ??ے اتے بے گناہ لوکاں دے خون دا بدلہ گھن ??ھدے۔ وزیراعظم آکھیا جو اساں کوں اپݨی فوج تے فخر اے۔ وزیراعظم آکھیا جو سیاسی رہنماواں سودھے پوری قوم کوں میں ایں کامیاب آپریشن تے مبارخ ݙینداں۔ وزیراعظم محمد شہباز شریف آکھیا جو اساں بھارت دی پاکستان دی سالمیت کوں نقصان پچاوݨ دی مذموم کوششاں کوں ناکام بݨاوݨ کیتے پرعزم ہیسے۔ ٹیلی فونک ڳالھ مہاڑ اچ ملک دے سیاسی رہنماواں پاک فوج دے جواناں دے تدبر، حوصلے اتے پیشہ ورانہ مہارت کوں خراج تحسین پیش کیتا اتے وزیراعظم کوں مشکل دی ایں گھڑی اچ اپݨے اتے پوری پاکستانی قوم دے تعاون اتے یکجہتی دا یقین ݙیویندے ہوئیں آکھیا جو مادر وطن دے دفاع کیتے ساݙی بہادر فوج دی مہارت قابل تحسین اے۔ وزیراعظم ملکی سیاسی قیادت توں واشگاف الفاظ اچ نال تھیوݨ تے اظ??ار تشکر کیتا۔
.jpg)
