اسلام آباد۔19جنوری(اے پی پی) وفاقی وزیر خزانہ سینیٹر محمد اورنگزیب آکھیے پاکستان اڄوکے سال جون تئیں پانڈا بانڈ جاری کریسی۔ وزارت خزانہ توں جاری اعلامیہ موجب اے ڳالھ وفاقی وزیر خزانہ ہانگ کانگ دے ٹی وی بی نیوز کوں انٹرویو اچ آکھی ۔ اپݨے انٹرویو اچ وزیر خزانہ آکھیے پاکستان پانڈا بانڈز دے ذریعے چین دی کیپیٹل مارکیٹاں اچ رلݨ چاہندے تے ایں دے ذریعے پاکستان چینی سرمایہ کاراں توں تقریباً 200 ملین امریکی ڈالر جمع کرݨ دا ارادہ رکھیندے ۔ وزیر خزانہ آکھیے حکومت پاکستان دی معیشت کوں برآمدات تے مبنی ترقی دے پاسے منتقل کرݨ تے توجہ ݙیندی پئی اے ??اں جو ادائیگیاں دے توازن اچ پائیداری ڳھدی ونڄ سڳے ۔ انہاں چین-پاکستان اقتصادی راہداری(سی پیک)دے ݙوجھے مرحلے (سی پیک 2.0) دی اہمیت تے زور ݙیندے آکھیے سی پیک دا ݙوجھا مرحلہ مزید چینی کمپنیاں تے سرمایہ کاری گھن آسی ۔ وزیر خزانہ آکھیے ہانگ کانگ نال مالیاتی تعاون ودھاوݨ سانڳے پرعزم ہیسے ۔ انہاں ہانگ کانگ کوں پاکستان اچ تجارتی اتے مالیاتی موقع دا جائزہ گھنݨ سانڳے وفد بھیڄݨ دی دعوت ݙیندے آکھیے ہانگ کانگ چینی اتے پاکستانی کمپنیاں وچال سانجھے منصوبیں سانڳے ھک چنڳی جاہ ث??بت تھی سڳدے۔
.jpg)
.jpg)
