اسلام آباد۔ 23 ??تم??ر (اے پی پی) چیئرپرسن بینظیر انکم سپورٹ پروگرام (بی آئی ایس پی) سٹر روبنہ خالد آکھیا جو اڄوے چھل نال ملک بھر اچ جانی تے مالی نقصان تھیے، متاثرین دی بھرپور معاونت کیتی پئی ویندی اے۔ 2022 دے چھل وچ بی آئی ایس پی 70 ارب روپے دی ہنگامی امداد ݙتی۔ اے ڳالھیں انہاں منگل کوں بی آئی ایس پی ہیڈکوارٹر اچ پریس کا??فرنس کریندیں ہوئیں کیتی۔ انہاں آکھیا جو اے او پروگرام اے جو سیلاب زدگان کوں بہترین سہولیات ݙے سڳدے۔ سٹر روبنہ خالد آکھیا جو بی آئی ایس پی شفافیت، رفتار تے وسیع رسائی نال عوام دا اعتماد جتیے، اے پروگرام غریباں دی بقا تے وقار دا سہارا اے۔ انہاں آکھیا جو بی آئی ایس پی سب توں بہتر تے فوری ریلیف دا ذریعہ اے، کورونا اچ وی ایں پروگرام دے تحت لکھاں خانداناں کوں ریلیف فراہم کیتا ڳیا۔ انہاں آکھیا جو چھل نال غربت دی لکیر توں تلے رہݨ آلے لوک ودھ متاثر ت??ئین۔ انہاں آکھیا جو بی آئی ایس پی کول مفصل ڈیٹا موجود اے جیندے ذریعے سیلاب متاثرین کوں بروقت تے شفاف طریقے نال امداد ݙتی ونڄ سڳدی اے۔ انہاں آکھیا جو بی آئی ایس پی نال ہک کروڑ گھر جڑین۔ انہاں آکھیا جو بینظیر انکم سپورٹ پروگرام دے آڈٹ دا طریقہ کار اے، بینظیر انکم سپورٹ دی مانیٹرنگ ورلڈ بینک تے ایشیئن ڈویلپمنٹ بینک کریندے۔ انہاں آکھیا جو دُنیا دے ݙوجھے ملک بینظیر انکم سپورٹ پروگرام توں سکھݨ آندے پئن، اے پروگرام لوکاں دی زندگیاں بہتر بݨیندا پئے، ایں پروگرام توں ہک کروڑ توں ودھ ٻال تعلیمی وظیفے گھندے پئن۔ روبینہ خالد آکھیا جو بینظیر نشوونما پروگرام تے وی کم کریندے پئن۔ انہاں آکھیا جو پاکستان اچ جیڑھے لوک فلاحی کم کریندے پئن او سب قابل تعریف ہن۔ انہاں آکھیا جو خیبر پختونخواہ اچ بونیر، صوابی، سوات، باجوڑ اچ موبائل سروے ٹیماں بھیڄی ڳئن، چھل دی وجہ توں لوکاں دے کارڈز گم تھی ڳئن۔
.jpg)
.jpg)
