اسلام آباد۔6اگست (اے پی پی)وفاقی وزیر اطلاعات و نشریات عطاء اللہ تارڑ آکھیے جو “18ویں ترمیم دے بعد فلم دی درآمد اتے سرٹیفیکیشن دے مسلے موجود ہن، پی ٹی وی سپورٹس ایشیا کپ دے ݙو سال دے رائٹس ڳھن ڳھدن، پی ٹی وی ہوم کوں آئوٹ سورس کرݨ تے کم کریندے پئے ہیں، پی ٹی وی ورلڈ کوں از سر نو فعال اتے جدید تقاضیاں دے مطابق ری ویمپ کیتا ویندا پئے، عدم برداشت مکاوݨ کیتے معیاری تفریح تے توجہ ݙیوݨی ہوسی، صحافیاں نال نا انصافیاں دا ازالہ تھیوݨا چاہیدے، اے ڳالھ انہاں پارلیمنٹ لاجز اسلام آباد اچ سینیٹ دی قائمہ کمیٹی برائے اطلاعات و نشریات دے اج??اس اچ آکھی۔ اج??اس دی صدارت چیئرمین کمیٹی سینیٹر علی ظفر کریندے پئے ہن۔ اج??اس اچ موشن پکچر (ترمیمی) بل 2024ء، صحافیاں دے تحفظات، پیکا ایکٹ دے تحت درج مقدمے، پی ٹی وی اتے ریڈیو پاکستان دے ملازماں دیاں تنخواہواں اتے پنشنز دی ادائیگی دے مسائل سودھا ٻئے ایجنڈا آئٹم تے غور تھیا۔ موشن پکچر (ترمیمی) بل 2024ء بارے کمیٹی کوں وفاقی وزیر اطلاعات عطاء اللہ تارڑ ݙسایا جو “کہیں وی فلم دی سرٹیفیکیشن کیتے ضروری عوامل ہوندن، ڄیکر ہر واری کابینہ نواں سینسر بورڈ ٻݨاوے تاں ساݙی فلم انڈسٹری دے معاملات اچ تاخیر تھیسی، ایں بل اچ فلم سرٹیفیکیشن بورڈ دی منظوری دا اختیار متعلقہ وزیر کوں ہوسی تاں فیصلہ سازی اچ تاخیر نہ تھیسی، 18ویں ترمیم دے بعد فلماں دی درآمد اتے سرٹیفیکیشن دے مسلے ہین، فلم دی سرٹیفیکیشن کیتے پورے ملک کوں ہک پیج تے ہووݨا چاہیدے، وفاقی حکومت دا کردار صرف فلم دی درآمد تئیں محدود اے جݙاں جو صوبے آپݨی انڄھ قانونی سازی دے تحت سرٹیفیکیشن کریندن، ایں سانڳے صوبیاں نال کوآرڈینیشن ضروری اے۔ انہاں آکھیا جو “پاکستانی فلماں کینیڈا سودھا کئی ملکاں اچ ریکارڈ بزنس کیتے، وزارت اینجھیاں فلماں دی حوصلہ افزائی کریندی اے۔ وفاقی وزیر آکھیا جو “معاشرے اچ عدم برداشت ودھدی پئی اے، ایں سانڳے ساکوں کوالٹی انٹرٹینمنٹ دے ودھارے تے توجہ ݙیوݨی ہوسی تاں جو معاشرے اچ مثبت رویاں کوں ودھارا ملے۔ کمیٹی سینسر بورڈ دے ایجنڈے دی منظوری ݙتی۔ ایں موقع تے وفاقی وزیر اطلاعات قائمہ کمیٹی کوں نیووٹیک دی بحالی دی تجویز وی ݙتی جیکوں کمیٹی منظور کر ڳھدا۔ پی ٹی وی بارے الیندے وفاقی وزیر اطلاعات قائمہ کمیٹی کوں ݙسایا جو “پی ٹی وی سکرین اچ بہتری گھن آئی ڳئی اے، اساں پی سی بی توں جی ٹو جی معاہدے دی کوشش کریندے پئے ہیں، پی ٹی وی ہوم کوں آئوٹ سورس کرݨ، پی ٹی وی ورلڈ کوں نویں سروں فعال کرݨ تے کم تھیندا پئے۔ وفاقی وزیر کمیٹی کوں ݙسایا جو “سبسڈی دی واپسی نال پی ٹی وی کوں اوکھ ݙیکھݨا پئے، آئی سی سی دیاں ادائیگیاں زیر التوا ہین، اساں ایندے باوجود آئی سی سی دے رائٹس حاصل کیتن، پی ٹی وی سپورٹس دی ریٹنگ نجی چینلز دے مقابلے اچ ݙو ڳݨا اے، پی ٹی وی اچ میرٹ تے اقدامات کیتے ویندن، کوشش اے جو پنشنرز اتے ملازماں کوں تنخواہواں دی ادائیگی اچ بہتری آوے۔ ایں موقع تے چیئرمین کمیٹی علی ظفر آندے اج??اس اچ پی ٹی وی دے مالی معاملات بارے وزارت خزانہ دے حکام کوں سݙ ڳھدا۔ شالیمار ریکارڈنگ کمپنی بارے وفاقی وزیر اطلاعات کمیٹی کوں ݙسایا جو “ایس آر بی سی دے ملازماں کوں ایں مہینے ہی 3 مہینے دیاں تنخواہواں ݙتیاں ڳن۔ وفاقی وزیر آکھیا جو “صحافیاں دے نال پراݨاں رشتہ اے، سینیٹ دی قائمہ کمیٹی ہک ذیلی کمیٹی ٻݨاوے اتے معاملے کوں ݙیکھے، ڄیڑھے صحافیاں نال نا انصافی تھئی اے اوندا ازالہ تھیوݨا چاہیدے۔ چیئرمین کمیٹی علی ظفر آندے اج??اس اچ آر پی او کوں طلب کر ڳھدا اتے متعلقہ ایس ایچ او دے خلاف کارروائی دی سفارش کیتی۔ اج??اس اچ کمیٹی دے ارکان سینیٹر عرفان صدیقی، سینیٹر پرویز رشید، سینیٹر جان محمد بلیدی، سینیٹر سرمد علی، سینیٹر سید وقار مہدی، وفاقی سیکرٹری اطلاعات و نشریات عنبرین جان، ایڈیشنل سیکرٹری اشفاق خلیل دے علاوہ وزارت اطلاعات و نشریات دے اعلیٰ حکام شرکت کیتی۔
.jpg)
.jpg)
.jpg)