راولپنڈی۔3 اکتوبر (اے پی پی) سکیورٹی فورسز بلوچستان دے ضلع شیرانی وچ انٹیلی جنس تے مبنی آپریشن دے دوران بھارتی حمایت یافتہ فتنہ الخوارج دے 7 دہشتگرداں کوں مار ݙتے۔ جمعہ دے ݙینھ آئی ایس پی آر توں جاری بیان موجب یکم اکتوبر 2025 کوں، سکیورٹی فورسز بلوچستان دے ضلع شیرانی وچ خفیہ اطلاعات تے مبنی آپریشن کیتا، جیندے وچ بھارتی پراکسی، فتنہ الخوارج نال تعلق رکھݨ آلے دہشتگرداں دی موجودگی دی اطلاع ہئی۔ آپریشن دے دوران سکیورٹی فورسز مؤثر طریقے نال دہشتگرداں دے ٹھکاݨے دا محاصرہ کرڳھدا، تے شدید فائرنگ دے تبادلے وچ ست ہندوستانی حمایت یافتہ دہشتگرداں کوں ہلاک کر ݙتا۔ دہشتگرداں دے قبضے کنوں اسلحہ، گولہ بارود تے دھماکہ خیز مواد وی برآمد تھیا، جیڑھے علاقے وچ دہشتگردی دیاں کئی کارروائیاں وچ سرگرم ریہے۔ علاقے وچ موجود کہیں وی ݙوجھے دہشتگرد کوں ختم کرݨ کیتے سینی ٹائزیشن آپریشن کیتا ویندا پئے، سکیورٹی فورسز ملک توں ہندوستانی سپانسر شدہ دہشتگردی دی لعنت کوں مکاوݨ کیتے پرعزم اے تے دہشتگردی کرݨ آلے لوکاں کوں انصاف دی کچاری اچ گھن آوݨ کیتے قوم دے عزم دی تصدیق کریندن۔
.jpg)
.jpg)
