اسلام آباد۔18جون (اے پی پی):صدرمملکت ڈاکٹر عارف علوی آکھیے جو گلگت بلتستان ہر لحاظ نال پاکستان دا ھک ذرخیز خطہ اے، اتھاں سیاحت دے ٻہوں سارے موقع موجود ہن ، جیں دی تکھی رفتار ترقی کیتے مزید اقدامات کیتے ونڄݨے چاہیدن ۔ایوان صدر میڈیا ونگ توں جاری بیان موجب گلگت بلتستان اسمبلی دے ممبران نال ملاقات کریندیں صدر مملکت آکھیے جو چنڳی حکومت دی اے سنڄاݨ اے جو او ترقی دے سفر اچ تکھے اڳوں ودھدی اے ۔ڈاکٹر عارف علوی آکھیے جو میں پاکستان دی ترقی کیتے پرامید ہاں ،کورونا وائرس دی وبا اچ وی اساں دنیا دے کئی ملکاں توں زیادہ ترقی کیتی اے اساں وچ ہر لحاظ نال اڳوں ودھݨ دی صلاحیت موجود اے تے ملک دا مستقبل روشن اے۔صدر مملکت آکھیے جو گلگت بلتستان اچ سیاحت اتے ٻئے میدان اچ وسائل دے مقابلے اچ ہنر مند لوکاں دی قلت اے ۔ایں کیتے انہاں وسائل کوں موثر طریقے نال بروئے کار گھن آوݨ تے علاقے کوں ترقی دے رستے تے ٹوڑݨ کیتے زیادہ توں زیادہ ہنر مند لوکاں دی لوڑھ ہوسی ۔
.jpg)
.jpg)