اسلام آباد۔ 7 مئی (اے پی پی)نائب وزیراعظم و وزیر خارجہ سینیٹر محمد اسحاق ڈار آکھیا جو پاکستان بھارت ولوں بزدلانہ حملے دا مُنہ توڑ جواب ݙتے اتے ایندے 5 طیارے مار ݙھوائن، بھارت کوں کہی?? وی جارحیت دا ایویں ہی ولدا ݙتا ویسی۔ قومی اسمبلی اجلاس اچ الیندے انہاں آکھیا جو 22 اپریل کوں پہلگام واقعہ تھیا جیندے بعد بھارتی سلامتی کمیٹی دے سارے اعلان کردہ اقدامات پاکستان دے خلاف ہن، ایندے اچ اٹاری دی ٻندش، سفارتی عملہ ڳھٹاوݨ، آرمڈ فورسز دے اتاشیاں کوں ناپسندیدہ قرار ݙیوݨ وی شامل ہا۔ انہاں آکھیا جو انڈیا سندھ طاس معاہدے دے خاتمے دا اعلان کیتے، اے معاہدہ یکطرفہ ختم یا تبدیل نئیں تھی سڳدا، ایندے سارے فریقین موجود ہین، ایں معاملے تے پاکستان دی قومی سلامتی وی واضح کیتے جو کہی?? وی جارحیت دا ٻہوں تکڑا ولدا ݙتا ویسی، پلوامہ آلی کار ایں پہلگام واقعہ دے پچھو وی مذموم مقاصد ہین، وزیراعظم عالمی غیر جانبدارانہ تحقیقات دی پیشکش کیتی، ڄیکر اساں ایں واقعے اچ ملوث ہوندے تاں اتنی کھلی پیشکش کیوں کریندے؟ اساں مختلف ملکاں دے سربراہان اتے غیر ملکی سفیراں کوں بریفنگ ݙتی اے، اساݙا فیصلہ ہا جو اساں پہل نہ کریسوں، اساں انہاں دی جارحیت دا بھرپور جواب ݙے ݙتے، ہݨ وی سلھ دا ولدا پتھر نال ݙیسوں۔ انہاں آکھیا جو سلامتی کونسل دا بند کمرہ اجلاس سݙیا ڳئے جیندے اچ ساݙے مندوب رکن ملکاں کوں ساری تفصیل ݙسائی ڳئی اے۔ انہاں آکھیا جو گزریل رات ہک وجے انڈیا دی نقل و حرکت دی اطلاع ہئی، پلوامہ اچ اڄ تئیں ثبوت نہیں ݙتے ونڄ سڳیے، بھارت ہک سال توں سندھ طاس معاہدے تے نظرثانی کیتے پاکستان نال ڳالھ مہاڑ کریندا پیا ہا ٻھل اساں واضح کر ݙتا ہا جو ایندے تے کوئی ڳالھ نہ تھیسی، 24 اپریل دے قومی سلامتی کمیٹی دے اجلاس اچ ایں معاہدے دے خاتمے کوں اعلان جنگ قرار ݙتا ڳیا۔ انہاں آکھیا جو پہلگام واقعہ پری پلان ہا، لائن آف کنٹرول توں پہلگام دا فاصلہ 230 کلومیٹر ہا، اے سارا منصوبہ بندینال تھئے ڄیکو?? ویلھا آپ ثابت کریسی۔ انہاں آکھیا جو پہلے 4 انڈین جہازاں کوشش کیتی تانجو انہاں کوں اساݙی فضائیہ جام کر ݙتا، گزریل رات انہاں دے جہازاں آپݨیاں حداں توں حملہ کیتے، اے واضح ہدایت ہئی جو جہاز حملہ کرن تاں انہاں کوں نشانہ بݨایا ونڄے، اساں ایہو حکمت عملی اپنائی نتاں ودھ طیارے نشانہ بݨا سڳدے ہاسے۔ انہاں آکھیا جو یو این سلامتی کونسل دے صدر کوں خط لکھیے جو عالمی قانون دی خلاف ورزی کریندے ہوئیں انٹرنیشنل سرحداں دی خلاف ورزی کیتی ڳئی۔ 6 علاقیاں تے 24 حملے کیتے ڳئے، نیلم جہلم منصوبے کوں نشانہ بݨایا ڳیا، عالمی رہنماواں کو?? وی آگاہ کریندے پئے ہیں، اساݙے دوست ملک اساݙے نال رابطے اچ ہن، چین دی ٹیم سویرے 4 وجے آپݨے سفیر دے نال وزارت خارجہ اچ موجود ہئی، اساں انہاں کوں ردعمل توں آگاہ کیتے، پاکستان ولوں چینی ساختہ جے 10 سی طیاریاں کارروائی اچ حصہ ڳھدے۔ انڈیا دے پاسو رافیل طیاریاں حملہ کیتے ٻھل انہان اچوں کڄھ مار ݙھوائن۔ انہاں آکھیا جو اساں انڈین ناظم الامور کوں سݙ تے انڈین جارحیت تے سخت احتجاج کیتے، او آئی سی دے سیکرٹری جنرل نال رابطہ تھیوݨا اے، اساں سفارتی محاذ تے کوشاں ہیسے۔ انہاں آکھیا جو پلوامہ اچ انڈیا دا بیانیہ وِکیا اَتے انہاں 5 اگست 2019 دا اقدام چاتا اَتے غیر قانونی زیر قبضہ کشمیر کوں ہڑپ کرݨ دے اقدامات چاتے ٻھل ایں واری انہاں دا بیانیہ پِٹ چکیے اتے کوئی انہاں دے بیانیے کوں نئیں منیدا پیا اتے ایں اقدام دی مذمت کیتی ویندی پئی اے۔ انہاں آکھیا جو سینٹ اچ جیڑھا اتفاق اتے اتحاد ݙیکھایا ڳئے اتے باہمی صلاح نال متفقہ قرارداد دا مسودہ ٻݨائے، ایویں ہی اسمبلی دیاں ساریاں جماعتاں دے ملکی سلامتی کیتے اتحاد دے معترف ہیں۔ انہاں آکھیے جو قومی سلامتی کمیٹی دا اجلاس اڄ تھئے جیندے اچ اہم فیصلے کیتے ڳئن۔ ایں اجلاس اچ مسلح افواج کوں ایں حملے دا جواب ݙیوݨ دا اختیار ݙے ݙتے۔ انہاں قومی سلامتی کمیٹی دا اعلامیہ سپیکر کو?? وی پیش کیتے۔
.jpg)
.jpg)